EL BLOQUE POR ASTURIES APOYA LA CONCENTRACIÓN DE GÜEI NEL CAMPOAMOR EN DEFENSA DEL PUEBLU SAHARAUI


El Bloque por Asturies va participar güei nel actu convocáu pola Asociacion d’Amigos del Pueblu Saharaui a les 20:00 delantre’l Teatru Campoamor



Dende el Bloque por Asturies queremos volver a solidarizanos coles miles de persones saharauis que resisten con dignidá nos territorios ocupaos por Marruecos dende va más de 30 años d’ocupación.



Les últimes noticies que nos tán llegando de la ciudá de l’Aaiún y del campamentu de la dignidá Gdeim Izik son preocupantes, los primeros datos falen de muertos y mancaos por cuenta de la intervención de los militares marroquinos.



Queremos volver a recordar qu’España ye la mayor responsable de tol drama que ta viviendo la población Saharaui nos territorios ocupaos y nos campamentos de refuxiaos en Tinduf, por nun resolver un procesu vergonzosu de descolonización qu’acabó cola marcha verde y la ocupación de Marruecos y por combayar con Marruecos poniendo delantre de los derechos humanos y el derechu internacional los intereses económicos.



Miembros de la Dirección Nacional y militantes del Bloque por Asturies van tar tamién na manifestación d’esti sábau en Madrid a les 12 hores.



Agradecemos la so difusión, Asturies, 8 de payares de 2010.

Bloque por Asturies



--

María Lourdes Gru
Secretaria d' Organización, Responsable de Prensa y Comunicación
Tel. 646-432-653
Corréu: organización@bloque.as/ bloqueasturies@gmail.com
www.bloque.as/ www.bloqueporasturies.blogspot.com